Ուգի անունով շունը պաշտոնապես ավարտել է իր կարիերան որպես դերասան: Այս մասին հայտնում է BBC News-ը: 10-ամյա Ուգիի ամենահայտնի գործը համարվում է Միշել Հազանավիչուսի «Դերասանը» ֆիլմում դերակատարումը: Այդ դերի համար 2011-ի մայիսին շունը պարգևատրվել է հատուկ շան մրցանակով, որը շնորհվում է Կաննի կինոփառատոնի շրջանակում: Ուգին նաև նկարահանվել է «Ջուր փղերին», «Պարո´ն, ամեն ինչ կուղղենք»,«Չեմպիոն շունը» և այլ ֆիլմերում:
2012-ի հունվարին Ուգիի վարժեցնող Օմար ֆոն Մյուլլերը հայտարարել էր, որ իր կենդանին առաջիկայում կդադարի նկարահանվել ֆիլմերում: Պատճառն այն է, որ շունը սկսել է նկարահանումների ժամանակ շատ հոգնել, չնայած նախկինի պես սիրում է տարբեր հնարքներ կատարել:
Որպեսզի ազդարարի թոշակի անցնելը, Ուգին իր թաթի հետքերն է թողել Լոս Անջելեսի Գրաումանի չինական թատրոնի հրապարակում: Արարողության ժամանակ Ուգին ինքնագիր է բաժանել երկրպագուներին: Նա թանաքոտ թաթը տպել է «Դերասանը» ֆիլմի սկավառակների վրա:
Ֆոն Մյուլլերը նշում է, որ ապագայում Ուգին, ամենայն հավանականությամբ, կմասնակցի տարբեր բարեգործական միջոցառումների:
