Հայաստանում ՄԱԿ-ի մշտական համակարգող և ՄԱԶԾ մշտական ներկայացուցիչ Դաֆինա Գերչևան, անդրադառնալով գրանցված երիտասարդ գործազուրկների համար լայնածավալ վերապատրաստումների կազմակերպման և անցկացման համաձայնագրին, նշեց, որ «Մասնագիտական կրթության և ուսուցման /ՄԿՈՒ/ համակարգ» ծրագիրը երեք նպատակ ունի` «բարելավել Հայաստանի աշխատուժի հատկությունները, երաշխավորել, որ աշխատանքի առաջարկը բավարարում է աշխատաշուկայի պահանջարկը և վերջապես նպաստել ու աջակցել իշխանությունների հաստատուն ջանքերին:
Մենք կփորձենք անել այնպես, որ մեր կողմից վերապատրաստվածների 70 տոկոսը աշխատանք գտնի»:
Գերչևան նաև հույս հայտնեց, որ ծրագրում ներգրավվածները կկարողանան հաջողությամբ բարելավել իրենց մասնագիտական ունակությունները և կիրառել իրենց աշխատատեղերում:
«Մենք գործում ենք ազգային, տարածաշրջանային և տեղական մակարդակով, ինչը մեզ ցանկալի գործընկեր է դարձնում` աջակցելու ազգային կարողությունների երկարատև զարգացմանը: ՄԱԶԾ-ի լավագույն փորձը Հայաստանում մասնագիտական կրթության բնագավառում դրական ազդեցություն կունենա և կխթանի զբաղվածության ապահովման ուղղությամբ գործադրվող ջանքերը ողջ երկրում»,-ասաց Գերչևան:
