Նորվեգացի ահաբեկիչ Անդերս Բրեյվիկի փաստաբանը դատարանից խնդրել է իր պաշտպանյալին մեղսունակ ճանաչել և նրան պատասխանատվության ենթարկել: Ինչպես հաղորդում է Aftenposten-ը, իրավաբան Գեյր Լիպեստադն ասել է, որ ահաբեկչին հոգեկան հովանդ ճանաչելը կարող է համարվել նրա իրավունքների խախտում:
Բրեյվիկի փաստաբանն ընդգծել է, որ իր պաշտպանյալը չի ցանկանում, որպեսզի իր «քաղաքական նախագիծը» ընդունվի որպես խելագարության դրսևորում, հաղորդում է Reuters-ը: «Առողջ մարդուն բուժելը նույնքան վատ է, որքան հիվանդին առանց բուժման թողնելը»,- ասել է Լիպեստադը:
Իր հայտարարությունը փաստաբանն արել է Բրեյվիկի դատավարության վերջին օրը: Երեկ տեղի է ունեցել պետական մեղադրողի ելույթը, որի ներկայացուցիչը խնդրել է նրան անմեղսունակ ճանաչել և ուղարկել հոգեբուժարան:
Ինքը՝ Բրեյվիկը բազմիցս հայտարաել է, որ նախընտրում է լինել բանտում, քան հոգեբուժարանում: Մասնավորապես դատավարության ընթացքում Բրեյվիկն իր առջև հիմնական խնդիր էր դրել ապացուցել, որ ինքն առողջ է:
Եթե Բրեյվիկն անմեղսունակ ճանաչվի, նրան կուղարկեն հարկադիր բուժման: Անմեղսունակ ճանաչվելու դեպքում Բրյեվիկին սպասվում է առավելագույն՝ 2 տարվա ազատազրկում:
Բրեյվիկի հոգեկան վիճակի մասին դատարանը որոշում կկայանցի՝ ըստ ավելի վաղ անցկացված երկու բժշկական փորձաքննությունների: Դրանցից մեկը եկել էր այն եզրակացության, որ մեղադրյալն անմեղսունակ է, մյուսի կարծիքով՝ ընդհակառակը, մեղսունակ է:
