ՌԴ Սահմանադրական դատարանն արտահերթ կարգով կքննի Պետդումայի պատգամավորների հարցումը Առևտրի համաշխարհային կազմակերպությունում (ԱՀԿ) Ռուսաստանի ընդգրկման հարցը: Այս մասին տեղեկացնում է ITAR-TASS-ը:
Դատական նիստը տեղի կունենա հունիսի 3-ին:
Այսօր հայտնի է դարձել, որ Սահմանադրական դատարանը քննարկման է վերցրել հարցումը, որն այս շաբաթ ներկայացվել էր Պետդումայի խմբակցությունների`Կոմունիստական կուսակցության ու «Արդար Ռուսաստանի» անդամների կողմից` ստուգելու՝ արդյոք Ռուսաստանի մուտքը ԱՀԿ չի հակասո՞ւմ երկրի հիմնական օրենքին:
ՌԴ Սահմանադրական դատարանից ITAR-TASS-ին հայտնել են, որ հարցն արտահերթ կքննվի, քանի որ Ռուսաստանի` Մարակեշի համաձայնագրի միավորման արձանագրությունը պետք է վավերացվի մինչև 2012թ. հունիսի 23-ը:
Հունիսի 20-ին Պետդումայի խմբակցությունների` Կոմունիստական կուսակցության ու «Արդար Ռուսաստանի» կողմից ՌԴ ՍԴ էր ուղարկվել հարցում` ստուգելու արդյոք Ռուսաստանի մուտքը ԱՀԿ չի հակասո՞ւմ երկրի հիմնական օրենքին:
Փաստաթուղթն ստորագրել էր ավելի քան 130 պատգամավոր այն ժամանակ, երբ ՍԴ դիմելու համար բավարար էր ընդամենը 90 ստորագրություն:
Պատգամավորները կարծում են, որ Ռուսաստանի մուտքով ԱՀԿ կկրճատվեն աշխատատեղերը և որպես օրենք` կմեծանա սոցիալական լարվածությունը:
Բացի այդ` պատգամավորները ենթադրում են, որ կազմակերպություն մուտք գործելը կնպաստի Ռուսաստանի տնտեսական ինքնիշխանության անկմանը:
