Կառավարության այսօրվա նիստին հաջորդած ճեպազրույցի ընթացքում Բնապահպանության նախարար Արամ Հարությունյանը պարզաբանումներ է տվել «Գոռավանի ավազուտներ» պետական արգելավայրի վերականգնման աշխատանքների 2013-2015թթ. ծրագրի և Գերմանիայի Դաշնային Հանրապետության կողմից KfW միջազգային զարգացման բանկի միջոցով ֆինանսավորվող «Գերմանիայի և Հայաստանի միջև ֆինանսական համագործակցության. Բնապահպանական ծրագիր Հարավային Կովկասում` Հայաստանում Արփի լիճ Ազգային Պարկի ստեղծում» ծրագրի գործողությունների իրականացումը մինչև 2012 թվականի նոյեմբեր ամիս երկարաձգման մասին:Այս մասին «Առաջին լրատվական»-ը տեղեկանում է ՀՀ կառավարության լրատվական ծառայությունից:
«Գոռավանի ավազուտները» գտնվում են Խոսրովի արգելոցի տարածքում և անհրաժեշտություն կա, որ այնտեղի բուսական և կենդանական աշխարհի պահպանման համար միջոցառումներ իրականցվեն: Նախարարը մասնավորապես նշել է. «Հիմնականում խնդիրները վերաբերվում են արգելավայրային ռեժիմին: Չնայած, որ այն այսօր էլ կա, չկան անհրաժեշտ ենթակառուցվածքներ և պետք է ավելի պատշաճ աշխատանքներ իրականացնել»:
Նախարարը մասնավորեցրել է իրականցվող աշխատանքները` հայտնելով, որ պետք է իրականացվեն ցանկապատման, կենդանական և բուսական աշխարհի պահպանմանն ուղղված աշխատանքներ:
Կառավարության մեկ այլ որոշում վերաբերվում էր «Արփի լիճ» Ազգային արգելոցին: Սա անդրսահմանային պահպանվող տարածք է, այսինքն դրա պաշտպանությունն իրկանացվում է նաև հարևան պետությունների հետ: «Դեռևս ծրագրի մեկնարկին մենք հայտարարել ենք, որ 2.2 մլն եվրո արժողությամբ ծրագիր ենք իրականացնում Գերմանիայի Դաշնության կառավարության հետ համատեղ»,-հայտնել է բնապահպանության նախարարը, ով մանրամասնել է նաև կատարված աշխատանքների մասին` նշելով որ մինչ այժմ իրականացվել են այցելուների կենտրոն, Ազգային պարկի շենք, կատարվել են քարտեզագրման ու ակնադիտական աշխատանքներ:
Արամ Հարությանը հավելել է, որ իրենք իրականցնում են մի քանի ծրագիր ևս, որոնք վերաբերում 14 համայանքների խմելու ջրի իրականացմանը, մսի վերամշակման արտադրությանը, մեղվապահությանը և այլն:
