Վիետնամական ԶԼՄ-ները հաճախ են անդրադառնում տաքսիների աշխատանքին, հատկապես այն մասին, թե ինչպես են թալանել ուղևորներին, չեն վերադարձրել մանրը կամ դիտմամբ տարել են երկար ճանապարհով: Սակայն այս շաբաթ վիետնամական Հոշիմին քաղաքում տեղի ունեցածը վկայում է, որ ոչ բոլոր տաքսիստներն են «անխիղճ», և որ նրանց թվում կան կարգին մարդիկ: Այս մասին գրում է ITAR-TASS-ը:
Վարորդ Չան Վան Կուին աշխատել է օդակայանում, երբ երկու ուղևոր` մայրն ու դուստրը նրան խնդրել եմ տանել նշված հասցեով: Ապա վարորդը մեքենայի մեջ հայտնաբերել է ուղևորուհիների մոռացած պայուսակը: Վարորդը կապվել է դիսպետչերի հետ ու հայտնել պայուսակի մասին, որտեղ եղել է iPad, թվային ֆոտոապարատ, ավելի քան 400 մլն դոնգ (շուրջ 20 հազար դոլար) գումար:
Ազնիվ վարորդը հրաժարվել է նաև վարձատրությունից:
