Ականատեսները պատմում են, որ Կահիրեի որոշ հատվածներում նկատվել են զրահամեքենաներ և եգիպտկաան բանակի հետևակներ: Ինչպես հաղորդում է տեղի Al-Ahram թերթը, զինվորական ստորաբաժանումները մայրաքաղաք են մտնում Ալեքսանդրիա տանող մայրուղով, դրանք նկատվել են նաև Կալուբ քաղաքից (Կահիրեի արվարձանից) 5 կմ հեռավորության վրա:
Զինծառայողները հրաժարավել են համաքաղաքացիներին պարզաբանել, թե ուր և ինչու են նրանք գնում: Ավելին, նրանք սպառնալիքներով հետ են մղել հետաքրքրասերներին:
Վերջին անգամ Եգիպտոսի մայրաքաղաքում զինծառայողների ու զրահամեքենաների այդքան լուրջ կուտակումներ նկատվել էին 2011թ. սկզբին՝ հեղափոխության ժամանակ: Եգիպտական բանակի հրամանատարությունն առայժմ չի մեկնաբանում այս տեղեկությունը:
Ավելի վաղ հաղորդվում էր, որ ընթացիկ շաբաթվա վերջում Եգիպտոսում պետք է հրապարակվեն ընտրությունների պաշտոնական արդյունքները: Երկու թեկնածուներն էլ՝ իսլամիստ Մուհամմադ Մուրսին և նախկին վարչապետ Ահմադ Շաֆիկը հայտարարել են իրենց հաղթանակները:
