Հոլիվուդյան աստղ, «լավագույն դերասանուհի» անավանակարգում «Օսկարի» արժանացած առաջին ավստրալիացի դերասանուհի, Chanel №5 բուրմունքի գովազդային դեմք, Թոմ Քրուզի նախկին կին Նիկոլ Քիդմանն այսօր տոնում է ծննդյան 45-րդ տարեդարձը:
Թվում է՝ դերասանուհու մասին ամեն ինչ հայտնի է, բայց դա այդպես չէ: Չնայած Քիդմանը համարվում է ավստրալիացի դերասանուհի, նա ծնվել է Հավայան կղզիներում՝ ԱՄՆ-ում: Մի առիթով Քիդմանը խոստովանել է, որ կարիերայի արևածագին ինքը մազերը կարմիր է ներկել, որն ըստ իրեն՝ ավելի համապատասխան էր իր սփրթնած մաշկին։
180 սմ հասակ ունեցող դերասանուհին 10 սմ–ով բարձրահասակ էր նախկին ամուսնուց: Նրա և Թոմ Քրուզի ապահարզանի դատական գործը, որը տևել է 2 տարի, ավարտվել է հենց այն շաբաթ, երբ 2001-ին համաշխարհային վարձույթ է դուրս եկել «Ուրիշները» սարսափ ֆիլմը՝ դերասանուհու մասնակցությամբ:
Քիդմանը 2002-ին այլ նախագծերում մասնակցության պատճառով հրաժարվել է «Չիկագո» ֆիլմում Ռոքսի Հարթի դերից: Դերը ստանձնել է նրա ընկերուհի, դերասանուհի Ռենե Զելվեգերը և արժանացել «Օսկարի»:
«
Կնոջ դիմանկարը» ֆիլմի նկարահանումների ժամանակ դերասանուհին կորսետ է կրել, որպեսզի գոտկատեղը ձգի մինչև 48 սմ:
Նիկոլ Քիդմանը ձախլիկ է, սակայն «Ժամերը» ֆիլմում աջլիկ գրող Վիրջինիա Վուլֆի դերի համար ստիպված է եղել սովորել աջ ձեռքով գրել: Հենց այդ դերի համար էլ նա «Օսկարի» է արժանացել:
2003-ի հունվարի 13-ին Հոլիվուդի փառքի ծառուղին համալրել է նրա անվանական աստղը:
Անգամ միջնակարգ դպրոցը չավարտած Քիդմանն ունի ինտելեկտի 132+ ցուցիչը, ինչը համապատասխանում է գիտությունների թեկնածուի մակարդակին: Մերկ տեսարանների համար նա երբեք չի դիմում կրկնորդի օգնությանը: Ազատ ժամանակ դաշնամուր է նվագում, կարճ պատմվածքներ գրում, հուսով է՝ մի օր կտպագրվեն:
Նա Գինեսի ռեկորդ է սահմանել՝ դառնալով գովազդային ամենաբարձր հոնորարը ստացած դերասանուհին: Chanel No. 5-ի չորս րոպեանոց գվազդային հոլովակի համար նա ստացել է 3,71 մլն դոլար՝ այսինքն՝ մեկ րոպեի համար 928,8 հազար դոլար:
Նա խիստ զգուշանում է արևայրուքի չարաշահման հնարավոր հետևանքներից, նույնիսկ ճանապարհը չի անցնում առանց գլխարկի: Նիկոլ Քիդմանը ելակից սուր ալերգիա ունի:
Նա չորս երեխաների մայր է, ընդ որում՝ երկուսը որդեգրված են: Հարազատ երկու դուստրերի հայրիկը Քիթ Ուրբանն է:
Քիդմանը չի սիրում ամեն ինչ ծրագրավորել և իրավիճակը հսկողության տակ պահել: Մայր և կին լինելը նրա գլխավոր հետաքրքրությունն է:
Նրա կարծիքով՝ սեքսուալ երևալու համար պարտադիր չէ մերկանալ։ Նա դեմ չէ ընդգծել իր բարեմասնությունները, սակայն ոչ վիրահատության միջոցով։
