ԱՄՆ պետքարտուղարության կողմից ներկայացվել է թրաֆիքինգի հարցով նոր զեկույց։ Զեկույցում նշվում է, որ աշխարհում ստրկության մեջ գտնվող տղամարդկանց, կանանց և երեխաների թիվը կազմում է մոտ 27 միլիոն մարդ։ Այս մասին հաղորդում է «Ազատություն» ռադիոկայանը։
Ամերիկյան արտաքին քաղաքական գերատեսչության զեկույցում ասվում է, որ Իրանի իշխանություններն ամենաքիչ ջանքերն են գործադրում մարդկանց վաճառքի դեմ պայքարելու համար։ Ըստ որոշ հետազոտությունների՝ նման իրավիճակին մոտ են նաև Աֆղանստանը, Ադրբեջանը, Բելառուսը, Ուզբեկստանը, Ռուսաստանը և մի շարք այլ երկրներ։
Բացի այդ, երեկ ԱՄՆ-ի՝ «մարդկանց առևտրով զբաղվող երկրների սև ցուցակում» է հայտնվել նաև Սիրիան։ Այս որոշմանը հնարավոր է` հետևեն նոր պատժամիջոցներ և օգնության կրճատում։
