«Երեկվանից ՀՀԿ խմբակցության ղեկավար Գալուստ Սահակյանը փորձում էր անձամբ «բերման ենթարկել» հանրապետական պատգամավորներին՝ այսօրվա նիստի համար»,- գրում է «ՀԺ»-ն և հավելում.
«ՀՀԿ-ն որոշել է իրեն ապահովագրել անակնկալներից և այնպես անել, որ նիստին ներկա լինեն իր բոլոր պատգամավորները: Անգամ Ռուբեն Հայրապետյանը, որը լուրջ հակասություններ ունի Աժ նախագահ Հովիկ Աբրահամյանի հետ և նախորդ գումարման Աժ-ում` Աբրահամյանի նախագահության օրոք, ցուցադրաբար չէր մասնակցում նիստերին, իսկ նոր ձևավորված Աժ-ի առաջին նիստում, երբ Աբրահամյանը սկսեց ելույթ ունենալ. Հայրապետյանը լքեց Աժ շենքը, այսօրվա նիստին մասնակցելու է»:
Երեկ այդ մասին թերթին հայտնել է Գալուստ Սահակյանը:
«Հանրապետականները երեկ ասում էին, թե իրենց չի մտահոգում՝ մյուս ուժերն ինչպես են քվեարկելու, թեև ամեն ինչ արվում էր, որ այսօրվա նիստից որևէ ՀՀԿ-ական չբացակայի»:
