Թուրքական Zaman թերթի փոխանցմամբ՝ ընդդիմադիր «Ազգայնական շարժում» կուսակցության (ԱՇԿ) նախագահ Դևլեթ Բահչելին կուսակցության նիստում անդրադարձել է Հաքքարի նահանգում PKK-ի իրագործած հարձակմանը, որի հետևանքով զոհվել է 8 և վիրավորվել է 16 զինծառայող.
«Ես կտրուկ դատապարտում եմ ահաբեկչական կազմակերպության ստոր հարձակումները: Ժողովրդի համբերությունը սպառվելու վրա է: Վերջին իրադարձություններից հետո կառավարությունը պետք է համախմբի բոլոր ուժերն PKK-ի ահաբեկչությունն արմատախիլ անելու համար: Այս իրադարձություններից հետո վարչապետ Էրդողանին և նրա կառավարությանը սպասվում է քաղաքական ազնվության և արժանապատվության համար պայքար»։
