Եվրամիության առաջնորդները Մեքսիկա` «Մեծ քսանյակի» գագաթնաժողովին են եկել այն բանի համար, որպեսզի նրանց սովորեցնեն, թե ինչպես կարելի է դուրս գալ տնտեսական ճգնաժամից։ Այս մասին հայտարարել է Եվրահանձնաժողովի նախագահ Ժոզե Մանուել Բարոզուն։
«Անկեղծ ասած, մենք այստեղ չենք այն բանի համար, որպեսզի դասախոսություններ լսենք ժողովրդավարության կամ տնտեսության կառավարման վերաբերյալ»,- ասել է Եվրահանձնաժողովի նախագահը։ Այս մասին հաղորդում է BBC-ն։ Ավելի վաղ համաշխարհային շատ առաջնորդներ, այդ թվում՝ ԱՄՆ նախագահ Բարաք Օբաման, հայտարարել էին, որ եվրոպական իշխանությունները պետք է վճռական գործողությունների դիմեն տնտեսական ճգնաժամի հաղթահարման համար։
Սրան ի պատասխան` Բարոզուն նշել է, որ «ճգնաժամը սկսվել է Հյուսիսային Ամերիկայից»։ ««Մեծ քսանյակի» երկրներից ոչ բոլորն են ժողովրդավար, սակայն մենք որոշումներ ենք ընդունում ժողովրդավարական ճանապարհով։ Երբեմն դրա համար ավելի շատ ժամանակ է պահանջվում»,- ասել է նա։
