Համաշխարհային ֆինանսական համակարգում դոլարի պակասուրդը կազմում է 2 տրիլիոն: Այս մասին հայտնում է Bloomberg-ը` հղում կատարելով Morgan Stanley ներդրումային բանկի վերլուծությանը:
Դա կապված է նրա հետո, որ աշխարհի կենտրոնական բանկերը սրընթաց մեծացնում են պհուստները` շուկայի մասնավոր խաղորդներին զրկելով լիկվիդայնությունից:
Նախորդ տարվա երկրորդ եռամսյակում աշխարհի ԿԲ-ների պահուստներում դոլարի բաժինն ընկել է` հասնելով պատմական նվազագույնին` 60.5 տոկոս: Սակայն արդեն դեկտեմբերի մոտ այն բարձրացավ՝ հասնելով մինչև 62.1 տոկոսի:
2012 թ. սկսած` դոլարի փոխարժեքն արժութային հիմնական զամբյուղում աճեց 8.2 տոկոսով, ինչը վկայում է պահանջարկի կտրուկ աճի մասին:
Դաշնային պահուստային ֆոնդը 2008 թ. ճգնաժամից ի վեր տպել է շուրջ 2 տրլն դոլար, սակայն դրանք բավարար չեն եղել: Դոլարի նկատմամբ բարձր պահանջարկն առաջին հերթին պայմանավորված է նրանով, որ գլխավոր այլընտրանքը` եվրոն, Եվրոպայում պարտքային ճգնաժամի հետևանքով դժվար իրավիճակում էր հայտնվել:
Եվրոպական արժույթը վերջին ամիսներին հատկապես արագ է կորցրել դիրքերը Հունաստանի` եվրոգոտուց դուրս գալու լուրերի ֆոնի, ինչպես նաև Իսպանիայի բանկային ոլորտի դժվարությունների հիման վրա:
Միևնույն ժամանակ, վերլուծաբանները չեն բացառում, որ ապագայում դոլարի նկատմամբ պահանջարկը կարող է կտրուկ նվազել: Դա կապված է նրա հետ, որ առաջին պլան դուրս կգան ԱՄՆ պարտքային խնդիրները: Ենթադրվում է, որ 2012 թ. երկրի բյուջեի պակասուրդը կկազմի 8.1 տոկոս՝ այն դեպքում, երբ եվրոգոտում այն չի գերազանցի 3.5 տոկոսը: