Այսօր ծննդյան տարեդարձն է տոնում երաժիշտ, կոմպոզիտոր, 15 Գրեմմի մրցանակակիր, բոլոր ժամանակների լավագույն բաս կիթառահար և Բրիտանական կայսրության ասպետի շքանշանի արժանացած սըր Ջեյմս Փոլ Մաքքարտնին:
Նա ծնվել է 1942 թվականի հունիսի 18-ին Լիվեպուլում՝ երաժիշտի և բուժքրոջ ընտանիքում: Նա երաժշտության նկատամամբ սերը ստացել է ընտանիքից:
Ջեյմս Մաքքարթնի-ավագը 1920-ականներին նվագել է շեփոր և դաշնամուր իր Jim Mac’s Jazz Band նվագախմբում: Հենց հայրն է Փոլին նվիրել առաջին կիթառը։
Իր մանկության ընկերոջ՝ Ջոն Լենոնի հետ Փոլը հիմնել է The Beatles խումբը, որն իր առաջին համերգը տվել է 1961 թվականի մարտի 21-ին Լիվերպուլի The Cavern ակումբում:
Առաջին ալբոմի՝ Please Please Me-ի թողարկումից հետո խմբի հեղինակությունը սկսեց զգալիորեն աճել, իսկ She Loves You հիթը ցնցեց բոլոր հիթ շքերթները: Այդպիսով՝ The Beatles-ը սկսեց վերածվել լեգենդի համաշխարհային մասշտաբով:
1970-ականներին խումբը կազմալուծվեց, Փոլ Մաքքարտնին, ինչպես նաև Ջոն Լոնոնը սկսեցին զբաղվել իրենց անհատական նախագծերով, սակայն նրանք առանձին-առանձին չկարողացան նման փառքի հասնել: Մաքքարտնին հիմնադրեց Wings խումբը, որն ի վերջո կազմալուծվեց: Կոմպոզիտորը սկսեց զբաղվել սոլո կարիերայով:
1997 թվականի մարտին Փոլ Մաքքարթնին երաժշտության ասպարեզում ներդրման համար արժանացել է ասպետի կոչման և դարձել «սըր»:
Այսօր նա ընդգրկված է մոլորակի ամենահարուստ երաժիշտների տասնյակում, շարունակում է մասնագիտական առումով զարգանալ, ալբոմներ է ձայնագրում և ողջ աշխարհում հանդես գալիս համերգային ծրագրերով:
Փոլ Մաքքարթնին նաև ակտիվ զբաղվում է բարեգործությամբ, հանդես է գալիս կենդանիների իրավունքների պաշտպանությամբ և բուսակերություն է քարոզում:
Վերջերս նա հրատարակել է բուսական կերակրատեսակների բաղարատոմսերի The Meat Free Monday գիրքը, որը դարձել է համանուն արշավի մի մասը: Շուրջ 2 տարի առաջ Մաքքարտնին իր ընտանիքի անդամների հետ տվեց ակցիայի մեկնարկը, որի գաղափարը շաբաթական գոնե մեկ օր մսից հրաժարվելն է:
Այս տարի Մաքքարթնին թողարկել է Kisses on the Bottom ալբոմը: Սկավառակի գլխավոր սինգլի՝ My Valentine-ի հիման վրա նկարահանվել է սև-սպիտակ տեսահոլովակ՝ հայտնի դերասաններ Ջոնի Դեփի և Նատալի Փորթմանի մասնակցությամբ:
Հոլովակն արագ տարածվել էր համացանցում և միլիոնավոր դիտումներ ունեցել:
