ԱՄՆ-ում ուրբաթ օրը 6-ամյա անօրինական ներգաղթյալ է ձերբակալվել: Հենց այդ նույն օրը նախագահ Բարաք Օբաման հայտնել էր երիտասարդ ներգաղթյալներին երկրից չարտաքսելու իր որոշման մասին:
AZCentral-ի փոխանցմամբ` փոքրիկ աղջիկը ձերբակալվել է ևս 15 կասկածյալ ներգաղթյալների հետ Արիզոնայում այն ժամանակ, երբ Օբաման որոշել է 800.000 անօրինական ներգաղթյալներին հնարավորություն տալ մնալ երկրում:
Ոստիկանության հաղորդմամբ` խումբը ներգաղթում էր դեպի ԱՄՆ-ի արևմուտք: Թվով 15 մարդ հայտնել է, որ իրենք ոչինչ չգիտեն աղջկա մասին, և պարզ չէ` որտեղ են նրա ծնողները:
