Բարաք Օբամայի օրոք Վաշինգտոնը Մերձավոր Արևելքում կորցրել է իր ազդեցության զգալի մասը:
Ինչպես գրում է Reuters-ը, քաղաքագետների մեծ մասի կարծիքով, այսպես կոչված, «արաբական գարնան» իրադարձությունները Սպիտակ տանը վատ վիճակի մեջ են դրել: Սակայն կես տարի անց էլ Նահանգները չկարողացավ ադեկվատ մոտեցում ցուցաբերել այն ամենին, ինչ կատարվում է Եգիպտոսում, Սիրիայում և Բահրեյնում:
Փորձագետները հիշեցնում են, որ նախկինում ամերիկյան բանակը և նավատորմը «նավակային դիվանագիտության» արդյունավետ միջոց էին` պաշտպանելով ԱՄՆ-ի տարածաշրջանային շահերը՝ առաջին հերթին նավթի հարցում:
Միաժամանակ փորձագետները խոստովանում են, որ ԱՄՆ բանակն ամենազոր չի։ Այս մասին արաբներին վստահեցնում էր դեռ Ջորջ Բուշը, ով սկսեց պատերազմն Իրաքում:
Առանց ԱՄՆ մասնակցության տեղի ունեցան նաև «արաբական գարնան» դեպքերը: Սակայն Վաշինգտոնի դիրքորոշումն իր համակիրներին համոզեց, որ կյանքի և մահու հարցերում պետք չի նայել, թե ինչ են կարծում օվկիանոսից այն կողմ: Առաջին հերթին դա վերաբերում է Եգիպտոսին։ Այս մասին հաղորդում է NEWSru.co.il-ը:
«Մենք եգիպտական բանակի հետ բազմամյա համագործակցություն ունենք: Սակայն երբ խոսքը վերաբերում է էական հարցերին, մեզ ընդամենը քաղաքավարի լսում են: Նրանք վստահ են, որ հասկանում են իրենց ժողովրդի և Եգիպտոսի շահերը շատ ավելի լավ, քան բարեսիրտ ամերիկացիները»,- ասել է Ռազմավարական և միջազգային հետազոտությունների կենտրոնի Մերձավոր Արևելքի բաժնի ղեկավար Ռոն Ալտերմանը:
