Պարագվայում գյուղացիների և ոստիկանության միջև տեղի ունեցած բախման ժամանակ զոհվել է առնվազն 17 մարդ, տասնյակ մարդիկ ստացել են մարմնական վնասվածքներ։ Այս մասին հաղորդում է BBC-ն։
Ոստիկանության ներկայացուցիչը հաղորդել է, որ սպանվածների մեջ կան առնվազն 7 ոստիկաններ։ Բախումը տեղի է ունեցել այն ժամանակ, երբ իրավապահները փորձել են հողատարածություններից հանել այն գյուղացիներին, ովքեր երկրի հյուսիսարևելյան շրջաններից մեկում գրավել էին տեղի ռանչոներից մեկը։
Ավելի վաղ ռանչոյի տերը հայտարարել էր, որ մոտ 100 ընտանիք ապօրինի կերպով ներխուժել է իր սեփականության տարածք։ Գյուղացիները պնդում են, որ իրենց հողատարածքները երկրում գեներալ Ալֆրեդո Ստրեսների ռազմական խունտայի կառավարման տարիներին ապօրինի կերպով բաշխվել են այլ սեփականատերերի միջև։
