Պակիստանի իշխանությունները ցանկանում են օգտվել Google-ի հնարավորություններից աֆղանա-պակիստանյան սահմանի առանձնակի բարդ և դժվարհասանելի հատվածներում հսկողություն իրականացնելու համար: Այս մասին Google-ի տնօրենների խորհրդի նախագահ Էրիկ Էմերսոն Շմիդտի հետ հանդիպմանը հայտարարել է Պակիստանի վարչապետ Յուսուֆ Գիլանին:
«Այօրվա դրությամբ անհրաժեշտ է օգտագործել տեղեկատվական տեխնոլոգիաների վերջին նվաճումները՝ Աֆղանա-պակիստանյան սահմանի երկու կողմերում զինյալների տեղաշարժման մասին տեղեկություն հավաքելու համար»,- ասել է Գիլանին, որի խոսքերը մեջբերում է ITAR-TASS-ը:
Նրա խոսքերով՝ միայն այդպիսի միջոցները կարող են արդյունավետ հետևել ինչպես Աֆղանստանից Պակիստան, այնպես էլ հակառակ ուղղությամբ զինյալների ներթափանցմանը:
Գիլանին նշել է, որ այմեն օր երկու երկրների սահմանն անօրինական կերպով հատում է շուրջ 40 հազար մարդ, այդ թվում զինյալներ և մաքսանենգներ: Նա ընդգծել է, որ այստեղ տեղակայված սահմանապահների համար շատ դժվար է վերահսկել իրավիճակը՝ հաշվի առնելով այդ լեռնային շրջանների բարդ ռելիեֆը:
