ԱՄՆ պետքարտուղար Հիլարի Քլինթոնը հայտարարել է, որ Եգիպտոսում ժողովրդավարությունից հրաժարում տեղի չի ունենա: «Ժողովրդավարական ընտրությունները, որք պահանջել է Եգիպտոսի ժողովորդը, չի կարող լինել հետդարձի ճանապարհ»,- ասել է Քլինթոնը լրագրողներին: Ընդ որում, ինչպես հաղորդում է Reuters-ը, Քլինթոնը կոնկրետ գնահատական չի տվել Եգիպտոսի Սահմանադրական դատարանի որոշմանը, որը երեկ անօրինական համարեց երկրի խորհրդարանի ստորին պալատի ընտրությունները:
«Եգիպտոսում իրադարձությունների ամբողջ ընթացքում ԱՄՆ-ը պաշտպանում էր Եգիպտոսի ժողովրդի երազանքները՝ մշտական ժողովրդավարության խաղաղ և կայուն անցման վերաբերյալ: Այսօր ժամանակն է, որպեսզի Եգիպտոսի ժողովուրդը որոշի սեփական ճակատագիրը: Մենք ակնկալում ենք, որ նախագահական ընտրությունները կընթանան խաղաղ մթնոլորտում և կլինեն ազատ ու արդար»,- ասել է ԱՄՆ պետքարտուղարը:
Հիշեցնենք, երեկ Եգիպտոսի սահմանադրական դատարանը որոշում կայացրեց ցրել խորհրդարանի ստորին պալատը և անցկացնել նոր ընտրություններ: Դատարանն իր որոշումը հիմնավորեց նրանով, որ օրենքը, որի համաձայն ընթացել են նախորդ ընտրությունները, ոչ սահմանադրական է: Բացի դրանից՝ սահմանադրական դատարանը թույլատրել է երկրի նախկին վարչապետ Ահմադ Շաֆիկին՝ մասնակցել նախագահական ընտրություններին:
Հիշեցնենք նաև, որ Եգիպտոսի նախագահական ընտրությունները տեղի կունենան հուհիսի 16-17-ը: Ահմադ Շաֆիկի մրցակիցը «Մուսուլման եղբայրների» թեկնածու Մուհամմադ Մուրսին է:
