Այսօր առավոտյան Դամասկոսի Սեյդա Զեյնաբ թաղամասում ուժեղ պայթյուն է տեղի ունեցել, որի հետևանքով վիավորվել է 14 մարդ: Երկրորդ պայթյունը տեղի է ունեցել Իդլիբ մարզում, զոհվել է 6 զինծառայող:
Առաջին պայթյունը տեղի է ունեցել ավտոբուսի կանգառի մոտ: Ականատեսների վկայությամբ՝ ականապատված մեքենայի վարորդը, ամենայն հավանականությամբ, ցանկացել է մտնել ավտոտնակ, սակայն պայթյունը տեղի է ունեցել հենց փողոցում: Արդյունքում վնասվել են կողքի շինությունները, այդ թվում՝ տեղի հիվանդանոցը և շիայական Իմամ Հուսեյնի քրոջ՝ Զեյնաբի մզկիթ -դամբարանը:
Գետնի վրա պայթյունի վայրում խոր փոս է առաջացել, տարածքում գտնվող տասնյակ մեքենաներ այրվել են: Կոտրվել են շրջակա տների և խանութների ապակիները:
Աղետի վայր են ժամանել ՄԱԿ-ի դիտորդները:
Երկրորդ ականապատ մեքենան պայթեցվել է երկրի հյուսիս-արևմտյան Իդլիբ մարզի անցակետում, որի հետևանքով վիրավորվել է 6 զինծառայող:
Սիրիայում ավելի քան 1 տարի շարունակվող հակամարտության ընթացքում, տարբեր տվյալներով, զոհվել է մինչև 14 հազար մարդ:
