Statoil-ն ու ExxonMobil-ը Տանզանիայի շելֆում հայտնաբերել են բնական գազի խոշոր հանքավայր, որի պահուստները, նախնական տվյալների համաձայն՝ կազմում է 3 տրիլիոն խորանարդ ֆուտ (85 միլիարդ խմ):
Այս մասին նշված է նորվեգական ընկերության մամլո հաղորդագրությունում:
Լավանի անվանումով հանքավայրը գտնվում է Զաֆարանիից 16 կմ հարավ, որը հայտնաբերվել էր փետրվարի վերջին ու Statoil-ի համար դարձել էր Արևելյան Աֆրիկայի ափերի մոտ ընկերության առաջին նախագիծը: Լրացուցիչ հորատման ընթացքում նորվերգական ընկերությունը բարձրացրել էր Զաֆարանի պահուստների սկզբնական գնահատականը 28 մլրդ խմ-ից մինչև 170 մլրդ-ի. ներկայում գազային հանքավայրը խոշորագույնն է Տանզանիայի շելֆում:
Լավանին ու Զաֆարանին տեղակայված են Block 02 բլոկում, որի մակերեսը կազմում է 5.5 հազար կմ:
Statoil-ը տնօրինում է Block 02 նախագծի 65 տոկոսը, մնացած 35 տոկոսը տնօրինում է ExxonMobil-ն ու պետական Tanzania Petroleum Development կորպորացիան:
Նորվեգական ընկերության համար Լավանին արդեն 7-րդ հանքավայրն է, որը հայտնաբերվել է վերջին տարում, իսկ ավելի վաղ Statoil-ը հումքի պաշարներ էր հայտնաբերել Հյուսիսային ու Բարենցի ծովերում, ինչպես նաև Բրազիլիայի ափերին:
