ԱՄՆ նախագահհ Բարաք Օբաման Իսրայելի անխագահ Շիմոն Պերեսին է հանձնել ԱՄՆ բարձրագույն մրցանակը՝ Ազատության շքանշանը, որը տրվում է քաղաքացիական անձանց:
«ԱՄՆ-ի բախտը բերել է, որ ամբողջ աշխարհում շատ գործընկերներ ու համախոհներ ունի: Եվ, իհարկե, ամենաուժեղ գործընկերներից, մեր ամենամոտ ընկերներից մեկը Իսրայել պետությունն է: Եվ ոչ մի մարդ մեր գործընկերական կապերի ու մեր ժողովուրդների մերձեցման համար այնքան շատ բան չի արել, ինչքան այս առաջնորդը, որին մենք այսօր պատվում ենք՝ մեր ընկեր Շիմոն Պերեսը»,- ասել է Օբաման շքանշանի հանձնման արարողության ժամանակ:
Շքանշանի մյուս մրցանակակիրները, այդ թվում՝ երաժիշտ Բոբ Դիլանը, գրող Թոնի Մորիսոնը, նախկին պետքարտուղար Մադլեն Օլբրայթը մրցանակները ստացել էին դեռ մայիսի վերջին:
Օբաման հավաստիացրել է, որ ԱՄՆ-ը եղել է և կլինի Իսրայելի հավատարիմ բարեկամն ու գործընկերը:
«Իսրայել պետության անվտանգությունը չի կարող կասկածի տակ դրվել: Եվ մեր երկրների միջև կապերը անքակտելի են: Միաժամանակ, Շիմոնը գիտի, որ երկրի անվտանգությունը կախված է ոչ թե զենքի ուժից, այլ ճիշտ արարքներից, դրա բարոյական ուղղվածությունից: Նա գիտի, որ մենք պետք է ոչ միայն խաղաղություն ցանկանանք, այլև հասնենք դրան: Եվ դա է միշտ եղել նրա կյանքի նպատակը՝ խաղաղություն, անվտանգություն և արժանապատվություն իսրայելցիների, պաղեստիցիների և իսրայելի բոլոր արաբական հարևանների համա»,- ասել է ԱՄՆ նախագահը:
Պերեսն իր հերթին շնորհակալություն է հայտնել Օբամային, նրան անվանել Իսրայելի ընկեր և ողջունել նրա «լարված աշխատանքը»՝ ուղղված Իրանի դեմ:
