Փոփ աստղ Ռիհաննայի եղունգների գեղեցկության պատասխանատու Քիմի Քայզը People ամսագրի հետ հարցազրույցում հայտնել է երգչուհու հետ մատնահարդարման աշխատանքների մանրամասները:
-Նա սիրում է իր երկար եղունգները և մանիկյուրի վիճակը ստուգելու համար iPhone թեստ է անցկացնում, որից հետո ինձ տեղյակ է պահում, որ դրանց վիճակը նորմալ է,-պատմել է Քիմին:- Մինչ այլ աստղեր իրենց եղունգները վստահում են ինձ ու այլ բանով զբաղվում, Ռիհաննան ուշադիր հետևում է իմ աշխատանքին, նա խիստ հետաքրքրված է իր արտաքինին վերաբերող ամեն ինչով:
Առաջիկայում Ռիհաննան ծրագրում է զբաղվել հագուստի մոդելավորմամբ: Ինչպես տեղեկացնում է The Daily Mail-ը, մատնահարդարը Ռիհաննայի հետ աշխատում է 2007 թվականից: Իրենց ձեռքերի գեղեցկությունը մատնահարդար Քիմիին են վստահում նաև Քարդաշյանները, Ջենիֆեր Լոպեսը, Քեթի Փերին և այլ աստղեր:
