Հունիսի 11-ին Մեծ Բրիտանիայում եթեր է հեռարձակվել Gillette տեսանյութը, որը նվիրված է հայրերին: Այս մասին հաղորդում է The New York Times-ը: Տեսահոլովակը թողարկվում է Procter & Gamble գովազդային ընկերության կողմից՝ «Շնորհակալ եմ, մայրիկ» գովազդային նախագծի շարքից, որը նվիրված է 2012 թ. Լոնդոնի Օլիմպիական խաղերին: Հայրերը դարձել են գովազդի հերոսը Մեծ Բրիտանիայում մոտեցող Հայրերի օրվա կապակցությամբ, որը տոնում են հունիսի 16-ին:
Հայրերին նվիրված գովազդում նկարահանվել են լողորդ Ռայան Լոխտեն, ամերիկացի թեթևատլետ Թայսոն Գեյը և շվեդ թենիսիստ Ռոջեր Ֆեդերերը: Տեսանյութում հերոսները պատկերված են համապատասխան սպորտաձևով զբաղվելու ժամանակ, այդ ընթացքում ձայնը մի պատմություն է կարդում այն մարդու մասին, ով աջակցել է, մարզել է, այսինքն՝ հոր մասին:
Համանման սյուժեով տեսանյութը մոր մասին մեծ համբավ է ձեռք բերել: Ներկա դրությամբ մայրերին նվիրված «Լավագույն մասնագիտություն» տեսահոլովակը YouTube-ում ունի գրեթե 4.5 մլն դիտում:
Գովազդային գործակալները հաճախ են իրենց տեսանյութերով ազդում ծնողական զգացմունքների վրա: Այսպես Volkswagen-ի գովազդներից մեկում ներկայացվում է հոր և դստեր հարաբերությունները նրա ծնվելու պահից մինչև հայրական օջախը լքելու վայրկյանը:
