Իսրայելում կքննարկվի Հայոց ցեղասպանության հարցը՝ որպես Թուրքիայի վրա ճնշման միջոց: Այսօր «Առաջին լրատվական»-ի հետ զրույցում նման տեսակետ հայտնեց թուրքագետ Ռուբեն Սաֆրաստյանն` անդրադառնալով իսրայելի Կնեսեթում վաղն առավոտյան քննարկվելիք Հայոց ցեղասպանության հարցին:
Թուրքագետն այս քննարկումը պայմանավորեց Թուրքիայի հետ հարաբերությունների սրման հերթական փուլով, որի համար Իսրայելը փորձում է օգտագործել Ցեղասպանության հարցը: «Ես կարծում եմ, որ ոչ մի բանաձև չի ընդունվի, այլ կքննարկվի այդ հարցը՝ որպես Թուրքիայի վրա ճնշման միջոց»,- նկատեց Ռուբեն Սաֆրաստյանը:
Հիշեցնենք, որ Իսրայելի Կնեսեթում վաղը Հայոց ցեղասպանության վերաբերյալ հանրային քննարկում է լինելու: Նախաձեռնության հեղինակը Meretz ձախակողմյան կուսակցության ներկայացուցիչ Զահավա Գալ-Օնն է: Քննարկումից հետո այն կտեղափոխվի Կնեսեթի տարբեր հանձնաժողովների օրակարգ:
