Մեծ Բրիտանիայի մի քանի նահանգներում անդադար անձրևների պատճառով, որը ուղեկցվում է կարկուտով և փոթորկով, հայտարարվել է ջրհեղեղների վտանգի մասին: Ինչպես փոխանցում է ItarTass-ը, այս մասին այսօր հաղորդել է Միացյալ Թագավորության գլխավոր օդերևութաբանական ծառայությունը:
Շրջակա միջավայրի պահպանման ազգային գործակալությունն Ուելսում, Յորկշիր, Նորտումբերլենդ, Դերբիշիր և Մեծ Մանչեսթեր կոմսություններում ջրհեղեղների վտանգի մասին 14 նախազգուշացում է արել: Կազմակերպության փորձագետները նշում են, որ մի շարք գետերում ջրի մակարդակը բարձրացել է վտանգավոր նիշերի:
Վատ եղանակից ամենից շատ տուժել է Աբերիստուիտ քաղաքը, որտեղ հանգստյան օրերին ջրի տակ է մնացել 8 գյուղ և տարհանվել է մոտ 1000 մարդ: Օդերևութաբանների կանխատեսումներով՝ եղանակային նման պայմանները թագավորությունում կշարունակվեն ողջ շաբաթվա ընթացքում:
