«Առաջին լրատվականի» հետ զրույցում Ազգային պատկերասրահի տնօրեն Փարավոն Միրզոյանը ասաց, որ մոտ օրերս կոչով է հանդես գալու, որ բոլոր նկարիչներն իրենց ստեղծագործությունները նվիրեն Ազգային պատկերասրահին.
«Ես և Ռոբերտ Իլիբեկյանը որոշել ենք մեր ստեղծագործությունները նվիրել Ազգային պատկերասրահին և հայտարարել, որ այսօրվա ժամանակակից նկարիչները նույնպես իրենց ստեղծագործությունները նվիրեն պատկերասրահին. չէ՞ որ սա մեր հայրենիքի համար է, սա պատկերասրահի համար է»:
Պատկերասրահի տնօրենն ավելացրեց, որ անխտիր բոլոր ցանկացողների նկարները չեն վերցնելու. «Մենք ունենք համապատասխան բաժիններ, և նկարների ընտրությունը պետք է կատարվի պատկերասրահի գիտաշխատողների խորհրդի կողմից»:
