Եվրոպայի խորհրդի մարդու իրավունքների հանձնակատար Թոմաս Համարբերգը, անդրադառնալով Թուրքիայում կրոնական փոքրամասնությունների խնդրին, ասել է, որ չնայած իշխանությունները զգալի քայլեր են ձեռնարկել, սակայն դեռ չլուծված են մնում որոշ լուրջ հարցեր, և դրանք արժանի են իշխանությունների ուշադրությանը:
Թուրքական կառավարությանն ուղղված իր նամակում Համարբերգը կոչ է արել ապահովել կրոնական փոքրամասնությունների անհրաժեշտ պատպանությունը, հաղորդում է hurriyetdailynews.com կայքը:
Հանձնակատարը հատուկ շեշտել է հունական աստվածաբանական սեմինարիայի փակված լինելու հանգամանքը, ինչի մասին դատական որոշումը խախտում է օբյեկտիվության և բազմակարծության սկզբունքները:
Համարբերգը նաև պահանջել է հնարավորինս արագ լուծել ինքնության քարտերի հետ կապված հարցը, որտեղ պետք է նշվի անձի կրոնական պատկանելությունը, ինչը ստրասբուրգյան դատարանի վճռով խախտում է անձի հավատքի ազատության իրավունքը: