Ըստ «Երևանի կենդանաբանական այգի» համայնքային ոչ առևտրային կազմակերպության և Հրազդան քաղաքի «Արմենակ Ավետիսյան» անհատ ձեռնարկատիրոջ ամփոփ տեղեկատվության` 2010թ. տարեվերջի դրությամբ կենդանաբանական այգիներում առկա է եղել 256 տեսակի կենդանի¸ 2,807 գլխաքանակով:
Դե իսկ եթե նկատի առնենք¸թե կենդանիներն ինչ վիճակում են գոյատևում միայն Երևանի կենդանաբանական այգում¸ կարելի է ենթադրել¸ թե ինչ ճակատագիր կունենան համենայն դեպս այստեղ ապրող կենդանիները¸եթե իհարկե այգին առաջիկա տարիներին չփակվի¸իսկ այդ հավանականությունը կա:
Ի դեպ¸ հնարավոր է առաջիկա տարիներին Երևանում նոր բուսաբանական և կենդանաբանական գոտի ստեղծվի և այդ նպատակով օգտագործվի Հրազդանի կիրճի տարածքը (200 հա): Այդ գոտին կարող է անգամ մինչև Սևանա լիճը ձգվել՝ պահպանելով ու միաժամանակ ցուցադրելով բնական պայմաններում ապրող կենդանիներին, թռչուններին ու ձկներին։
Բնապահպանները հույս ունեն¸ որ ծրագիրը կհաջողվի գլուխ բերել¸ քանի որ այս դեպքում կենդանիները կկարողանան ապրել բնական պայմաններում ու մեծ տարածքում ազատ շարժվելու հնարավորություն կունենան։