«Լավատեղյակ աղբյուրները հաստատում են այն տեղեկությունները, որ, այդուհանդերձ, ՀՀԿ-ԲՀԿ կոալիցիան չի կազմվել նախկին նախագահ Ռոբերտ Քոչարյանի պատճառով. նա վերջին պահին ԲՀԿ-ին թույլ չի տվել գնալ այդ քայլին»,- գրում է «168 ժամ»-ը հավելում.
«Հիշեցնենք, որ մայիսի 6-ի ընտրություններից հետո՝ մինչև մայիսի 24- ին կոալիցիային մաս չկազմելու մասին ԲՀԿ ղեկավար Գագիկ Ծառուկյանի հայտարարությունը, քաղաքական դաշտում բոլորը համոզված էին, որ այդ երկու ուժերը, այնուամենայնիվ, կոալիցիա կկազմեն: Սակայն, մեր տեղեկություններով, Գ. Ծառուկյանը տեղի է տվել Ռ. Քոչարյանի ճնշումներին: Մենք արդեն տեղեկացրել էինք, որ մայիսի 9-ի տոնակատարությունների ժամանակ Սերժ Սարգսյանն ու Ռ. Քոչարյանը ԼՂՀ-ում հանդիպել էին և բավական լարված քննարկում ունեցել»:
Թերթի աղբյուրների փոխանցմամբ՝ Ռ. Քոչարյանը Ս. Սարգսյանին ասել է, թե թույլ չի տա, որ ԲՀԿ-ն մտնի կոալիցիա: Մեր թղթակցի հետ զրույցում Աժ ԲՀԿ-ական պատգամավոր և Ռ. Քոչարյանի մերձավոր գործիչ համարվող Վարդան Օսկանյանը, ըստ էության, չի հերքել այս տեղեկությունը: Նա հարցը լսելուց հետո քմծիծաղ է տվել ու ոչինչ չի պատասխանել: