«Պարզվում է՝ Աժ ղեկավարության ընտրություններն այնքան ել «անայլընտրանք» ու հարթ չեն ընթացել: Քվեաթերթիկներից մեկի վրա գրիչով գրված է եղել թեկնածուի մականունը՝ «Մուկ», դիմացը մեծ-մեծ տառերով՝ «դե՛մ»»,- գրում է «Հրապարակ»-ը և հավելում.
«Ավելի ուշ իմացանք, որ չորս քվեաթերթիկ անվավեր է ճանաչվել: Հարթ չի անցել նաև փոխխոսնակների ընտրությունը: Բանն այն է, որ ամենաշատ ձայներ ստացած փոխխոսնակը դառնում է առաջին տեղակալ, որը, բացի որոշակի առավելություններից, ունի նաև մի մեծ «հմայք»՝ Աժ նախագահի հրաժարականի դեպքում մեխանիկորեն դառնում է Աժ նախագահի պաշտոնակատար:
Քանի որ էդուարդ Շարմազանովն ուղիղ գծով համարվում է Սերժ Սարգսյանի մարդը, բոլորին հասկանալի էր՝ նա է դառնալու առաջին տեղակալը: Հովիկ Աբրահամյանն էլ գենդերային քաղաքականության կրող է մշտապես, այդ իսկ պատճառով քվեարկությունից առաջ Աժ-ում որոշակի լոբբիստական աշխատանքներ է տարել Հերմինե Նաղդալյանի համար: Ձայները դեռ չհաշված՝ ՀՀԿ-ում լուրեր են տարածվել, թե ձայները հավասար են, լոբբիստները փորձել են ստուգել-հասկանալ ՀՀԿ-ական դիմակայության ֆոնը:
Սակայն հաշվիչ հանձնաժողովի հայտարարությունից պարզվել է, որ պառլամենտում ամեն ինչ ընթանում է «բնականոն» հունով, Շարմազանովը դառնում է առաջին տեղակալ՝ բոլոր «հետևանքներով» հանդերձ, «ա վ օստավնոմ, պրեկրասնայա մարկիզա, վսյո խորոշո՝ վսյո խորոշո»: