Չինաստանն ու Ճապոնիան սկսել են ուղղակի առևտուր իրականացնել առանց դոլարային փոխհաշվարկների: Այս մասին հայտնում է Agence France-Presse-ը:
Ընդ որում` միջանցքը, որում յուանն ու իենը պետք է վաճառվեն, ավելի լայն է, քան յուան-դոլար զույգի դեպքում էր:
Համաձայն պայմանավորվածության` չինացի կարգավորողները պետք է ամեն տարի սահմանեն փոխարժեքը, իսկ բորսան կունենա հնարավորություն` 3 տոկոսով փոփոխելու այն: Դոլար-յուան զույգում փոփոխությունները չեն կարող լինել 1 տոկոսից ավելին:
Առևտրային գործարքները պետք է իրականացվեն Շանհայի ու Տոկիոյի շուկաներում: Ամենայն հավանականությամբ, Ճապոնիայի ու Չինաստանի տարադրամի փոխանակման միջև սկզբում տարբերություն կլինի, սակայն ապագայում դրանք պետք է հավասարվեն:
Ինչպես հայտարարել է Ճապոնիայի ֆինանսների նախարար Դզյուն Ադզյումին, դոլարից` որպես միջնորդ արժույթից, ազատվելը, թույլ կտա նվազեցնել գործաքի ծախսերն ու կրճատել ֆինանսական ինստիտուտների ռիսկերը: Նա նշել է, որ ապագայում երկրները սկսելու են արժույթով զանգվածային ազատ առևտուր իրականացնել:
Չինաստանի ու Ճապոնիայի պահուստները կազմում են 4.5 տրլն դոլար, ընդ որում, դրանց մեծ մասը բաժին է ընկնում դոլարային ակտիվներին: