Ադրբեջանական Vesti.az-ի փոխանցմամբ՝ այս տարի Ադրբեջանում գրանցվել է ավելի քան 1000 երկրաշարժ, որոնցից միայն 19-ն են իրենց զգացնել տվել: Այս մասին հայտարարել է Սեյսմիկ ծառայության հանրապետական կենտրոնի ղեկավար Գուրբան Յեթիրմիշվիլին:
Վերջինիս խոսքերով՝ իրենք մայիսի 7-ին տեղի ունեցած Զաքաթալայի ուժգին երկրաշարժից 1.5 ժամ առաջ են կանխատեսել այն, քանի որ տվյալ տեղանքում նկատվել է գետնի ծայրահեղ լարվածություն. «Երկրաշարժի ճշգրիտ կանխատեսումն անհնար է: Ճապոնիայում, ԱՄՆ-ում և այլ երկրներում օգտագործում են նույն սարքավորումները, ինչ որ Ադրբեջանում: Սակայն երկրաշարժի ճշգրիտ ժամկետի կանխատեսումը չափազանց բարդ է»: