Բրիտանական The Guardian թերթի փոխանցմամբ՝ Իրանի իշխանությունները որոշել են խստացնել փողկապների վաճառքի վրա սահմանված արգելքը: Իրանում «արևմտյան դեկադանսի խորհրդանիշ» որակված փողկապ կրելու վրա արգելք է դրվել 1979 թվականին տեղի ունեցած Իսլամական հեղափոխությունից հետո: Սակայն երկար ժամանակ այդ արգելքն անտեսվում էր:
Իրանի նախկին (1997-2005) նախագահ Մոհամադ Խաթամին որոշակիորեն թուլացրել էր բազմաթիվ արգելքներ, ինչի հետևանքով Իրանում սկսվել էր փողկապների ներկրումը և խոշոր քաղաքների խանութներում դրանց վաճառքը: Սակայն ներկայումս կրոնական ոստիկանությունը որոշել է նոր ուժ հաղորդել փողկապների արգելքին:
Փողկապ կրելն արգելված չէ, սակայն պետծառայողներին խորհուրդ չի տրվում կրել այն:
