Ադրբեջանական Salam News գործակալության փոխանցմամբ՝ Ադրբեջանի նախագահի աշխատակազմի հասարակական-քաղաքական բաժնի ղեկավար Ալի Հասանովը քննադատել է ընդդիմությանը.
«Ադրբեջանական ընդդիմությունը բացառապես հակաադրբեջանական դիրքորոշում է որդեգրել: Ընդդիմությունն Ադրբեջան ժամանած հյուրերին տանում է միկրոշրջաններ և ցուցադրում է վատթար վիճակում գտնվող ասֆալտը: Թեև Ղարաբաղը ներկայացնող ադրբեջանական ընդդիմության անդամների մեծ մասը մասնակցել է մարտերին՝ նրանց չի հետաքրքրում Լեռնային Ղարաբաղի հարցը, փոխարենը նրանք մտածում են իշխանության գալու մասին:
Սակայն դա կարող է տեղի ունենալ ժողովրդի, ժողովրդավարական ընտրությունների միջոցով: Մինչդեռ հակաադրբեջանական հարթակում միավորված ընդդիմությունը կարծում է, որ Արևմուտքից ինչ-որ մեկը նրանց կբերի իշխանության: Իշխանության են ցանկանում գալ այնպիսի մարդիկ, որոնք պատասխանատու չեն իրենց ժողովրդի առջև»: