Գովազդ վերահսկող բրիտանական ASA ընկերությունն արգելել է ինտերնետ խաղատան SuperCasino.com -ի հեռուստատեսային գովազդը երկու բողոքի ստացումից հետո: Գովազդի քննադատներն այն անթույլատրելի են համարել, քանի որ այնտեղ ներկայացված է ազարտային խաղացողների չափազանց սնդուսափայլ (գլամուրային) կերպարը: Հոլովակում ցուցադրվում է գրավիչ տղամարդ, որը ձեռքում է պահում խաղաքարը: Նա հանդիպում է ընկերոջը, այնուհետև գեղեցիկ կնոջ և միասին գնում են խաղատուն, որտեղ բոլոր մարդիկ նույնպես գեղեցիկ են և լավ հագնված: Գովազդը հնչյունավորվել է երգի միջոցով, որի բառերը հնչում են այսպես ՝«Բոլորը ցանկանում են հայտնի լինել»:
ASA-ն համարում է, որ գովազդը օրենք է խախտում, որի համաձայն՝ այն չպետք է ցուցադրի, որ ազարտային խաղերը ինքնագնահատական են բարձրացնում, մարդուն գրավիչ դարձնում և սեքսուալ հաջողություն բերում:
NetPlay TV-ի գովազդատուն հայտարարել է, որ այս գովազդն օրենքի ոչ մի կետը չի խախտում, այնտեղ կինն ու տղամարդը հայացքներ չեն փոխանակում, չեն խոսում սեռական թեմաներով և այլն:
Փաստարկները չեն կարողացել համոզել վերահսկիչ մարմնին, հոլովակն այլևս եթերում չի լինի:
Բրիտանիայում օնլայն խաղատան գովազդն արգելում են ոչ առաջին անգամ: 2008 թվականին Swank Poker-ի գովազդն արգելվել է այն բանի համար, որ խաղատան ծառայություներից բացի՝ այն նաև առաջարկում էր «էրոտիկ զվարճանք»:
2009 թվականին արգելվել է նաև William Hill օնլայն խաղատան գովազդը՝ հակասոցիալական վարքի քարոզչության համար: Սյուժեի համաձայն՝ կինը տեղափոխում է ժամացույցի սլաքները, որպեսզի ամուսնուն շուտ ճանապարհի աշխատանքի և նստի համակագչի դիմաց՝ խաղալու:
