Ինչպես փոխանցում է Al-Misr Al-Youm կայքը, Եգիպտոսի բանակն այսօր հանդես եկել հայտարարությամբ, որում ասվում է, որ եգիպտացիներն առաջ քաշեցին իրենց պահանջները, դրանք լսեցին, և ժամանակն է, որպեսզի նրանք օգնեն Եգիպտոսին՝ վերադառնալու նորմալ կյանքի: Այս մասին պետական հեռուստատեսությամբ ասել է պաշտպանության նախարարության մամուլի խոսնակը:
Ակնհայտ է, որ սա հստակ ուղերձ է փողոցում հավաքվածներին: Թեպետ մինչ այդ եղել էր ուղերձ, համաձայն որի՝ բանակը խոստացել էր զենք չկիրառել ժողովրդի դեմ, բայց իրավիճակը փոխվել է: Հիմա բանակը ուժ կիրառելը կպայմանավորի Մուբարաքի հայտարարությամբ, համաձայն որի՝ վերջինս գնում է լուրջ զիջումների, պատրաստվում է չառաջադրել իր թեկնածությունն առաջիկա նախագահական ընտրությունների ժամանակ և ապահովել նորմալ ընտրություններ:
Բանակը զենքի կիրառումն այսուհետ կարող է բացատրել նաև Մուբարաքի կողմնակիցների և հակառակորդների բախումները կանխելով:
