Թուրքական Cihan լրատվական գործակալության փոխանցմամբ՝ Թուրքիայի վարչապետ Ռեջեփ Էրդողանն արտահանողների հետ հանդիպման ժամանակ անդրադարձել է նոր Սահմանադրության մշակման խնդրին` ընդգծելով, որ այն կարևոր կլինի նաև գործարարների համար.
«Նոր Սահմանադրության ստեղծման շուրջ աշխատանքները մեկնարկեցին նախորդ տարվա հունիսի 12-ին տեղի ունեցած խորհրդարանական ընտրություններից հետո: Դրանց մասնակցում են բոլոր շահագրգիռ կողմերը, որպեսզի այն լինի ժողովրդավարական, քաղաքացիական, ազատական:
Մենք ցանկանում ենք նոր Սահմանադրություն ունենալ 2023-ի (Թուրքիայի Հանրապետության հիմնադրման 100-ամյակ) համար: Այն նման չի լինի 1961 և 1982 թվականների (1960 և 1980 թվականների ռազմական հեղաշրջումներիին հաջորդած.- 1-in.am) Սահմանադրություններին»:
