Ռուսաստանի ֆուտբոլի միության առաջին փոխնախագահ Նիկիտա Սիմոնյանը Infox.ru-ի թղթակցի հետ հեռախոսազրույցի ժամանակ ասել է, որ ռուս-հայկական առաջիկա ֆուտբոլային հանդիպման վերաբերյալ տեղեկատվությունը անհեթեթություն է.
«Ինչ կարելի է ասել. վրդովվե՞լ, թե՞ ծիծաղել: Այս լրատվամիջոցներին հասկանալը շատ դժվար է: Ռուսաստանի ֆուտբոլի ֆեդերացիայում մարդիկ են աշխատում. ես երբեք իմ խղճի և ֆուտբոլի գնդակի հետ պայմանագիր չեմ կնքել: Ես համոզված եմ, որ ՌՖՖ-ի նախագահ Սերգեյ Ֆուրսենկոն այդպես չի կարող վարվել»:
«Որտեղից են այս լուրերը` ես չեմ հասկանում: Սանկտպետերբուրգյան համագործակցության գավաթի ժամանակ մենք հանդիպել ենք Հայաստանի ֆուտբոլի ֆեդերացիայի նախագահի հետ, սրա մասին խոսք անգամ չի եղել: Նիկոլայ Պետրովիչ Ստարոստինը նման դեպքերում կասեր` ծեր ձիու բարբաջանք: Սա ՌՖՖ-ի և ողջ ռուսական ֆուտբոլի համար շատ վիրավորական է»,-նշել է Սիմոնյանը:
«Պաշտոնական պատասխանը պետք է Սերգեյ Ֆուրսենկոն տա: Ես միայն իմ կարծիք եմ հայտնել: Եթե լիներ, Սերգեյ Ֆուրսենկոն ինձ կասեր, եկեք` խոսենք հայերի հետ»,- եզրակացրեց Սիմոնյանը:
Հիշեցնենք, որ «Եվրո -2012»-ի ընտրական փուլի B խմբում ընդգրկված Հայաստանի հավաքականը մարտի 26-ին կհանդիպի խմբի առաջատար Ռուսաստանի հավաքականի հետ, որին զիջում է ընդամենը երկու միավորով և հաղթելու դեպքում զգալիորեն կմեծացնի «Եվրո -2012»-ի եզրափայիչ փուլին մասնակցելու հնարավորությունները:
«Առաջին լրատվական»-ին լուրեր են հասել այն մասին, որ մարտի 26-ին Հայաստան-Ռուսաստան ֆուտբոլային խաղի շրջանակներում Ռուսաստանը Հայաստանի իշխանություններին տնտեսական բնույթի բավական հրապուրիչ գործարք է առաջարկել, որի դիմաց Հայաստանի հավաքականից պահանջվում է զիջել խաղը ՌԴ հավաքականին: