ՌԴ վարչապետ Վլադիմիր Պուտինը հարցազրույց է տվել հայտնի սուպերմոդել Նաոմի Քեմփբելին:
Հանդիպումը տեղի է ունեցել Սանկտ Պետերբուրգում 2010 թ. նոյեմբերին՝ առյուծների պաշպանությանը նվիրված ֆորումի ժամանակ: Սակայն հարցազրույցը նոր է տպագրվել GQ ամսագրի անգլիական տարբերակում:
Ն. Քեմփբելը հարցուփորձ է արել վարչապետին նրա զբաղմունքների մասին, այն մասին, թե ինչպես է նա պահպանում սպորտային կեցվածքը, ինչպես նաև հիշել է ամսագրի պատմությունը, որի վրա պատկերված էին Մոսկվայի պետական համալսարանի մերկ ուսանողուհիները, և որը նվիրել էին իրեն ծննդյան կապակցությամբ:
Վարչապետը նշել է, որ իրեն դուր է եկել ոչ թե ամսագիրը, այլ աղջիկների համառությունը, որոնք ցանկացել են մերկ նկարահանվել:
«Ցանկացած երկրում և հատկապես Ռուսաստանում մոդայիկ է քննադատել իշխանավորներին: Եթե Դուք Ձեզ համարում եք ինձ նման մարդկանց համախոհը, ապա Դուք կարող եք մեղադրվել իշխանությանը քծնելու մեջ: Նկարում պատկերված աղջիկները դրանից չեն վախեցել»,- նշել է վարչապետը:
Ն. Քեմփբելը հարցրել է վարչապետին, թե ինչպես է նրան հաջողվում այդպիսի լավ տեսք ունենալ: Պուտինի խոսքերով, նա ձգտում է պահպանել լավ ֆիզիկական վիճակը և խուսափել վնասվածքներից: Կառավարության ղեկավարը հիշել է, որ վերջին անգամ վնասվածք է ստացել պատանեկան տարիքում, երբ վարժություն էր կատարում:
Ն. Քեմփբելը հարցրել է նաև Պուտինի մեկ այլ նախասիրության` մոտոցիկլետների մասին: Վարչապետը հաճույքով պատմել է Ղրիմ կատարած իր այցելության մասին, որտեղ տեղի է ունեցել բայքերների հավաք, և հավելել, որ այդ տղաների համեմատ ինքը դաժան չի երևում: Որպես օրինակ՝ Պուտինը հիշել է մի երիտասարդի, որը անցել էր տասնյակ կիլոմետրեր, չնայած այն հանգամանքին, որ մի ոտք ուներ: