Այսօր Երևանում տեղացած առատ ձյունը քաղաքացիների համար անհնարին էր դարձրել աշխատանքի հասնելը:
Քանաքեռ-Զեյթունից դեպի Խանջյան փողոց գնացող երթուղայինները պարզապես դադարեցրել էին իրենց աշխատանքները: Վարորդները նշում էին, որ իրենց երթուղին անցնում է Մոնումենտի ոլորանով, իսկ այդ ճանապարհը առատ ձյան պատճառով չափազանց վտանգավոր է:
Նշենք, որ իրականում առատ ձյունը մեծ ուրախություն էր տաքսիստների համար: Նրանք, հասկանալով, որ մարդիկ պետք է անպայման աշխատանքի հասնեն, անտրամաբանական գումարներ էին պահանջում համեմատաբար փոքր տարածք անցնելու համար:
Օրինակ` Դավիթ Անհաղթ փողոցից մինչև Հանրապետության փողոց հասնելու համար տաքսիստները 2500 դրամ էին պահանջում, այն պարագայում, երբ սովորական եղանակային պայմաններում այդ նույն տարածքն անցնելն արժեր 800 դրամ: