Ալեքսեյ Ֆյոդորովի փոխարեն «Միացյալ ավիաշինական կորպորացիայի» (ՄԱԿ) տնօրեն կնշանակվի Միքայել Պողոսյանը, որը ներկայումս ՄԱԿ-ի փոխտնօրենն է և «Սուխոյ» ընկերության գլխավոր տնօրենը:
Ինչպես փոխանցում է Россия1 հեռուստաալիքը, ՄԱԿ-ի տնօրենին փոխելու հարցը բարձրացվել է ՌԴ նախագահին կից Ռուսաստանի տնտեսության արդիականացման և տեխնոլոգիական զարգացման հանձնաժողովի նիստի ժամանակ: Հետագայում բացառված չեն նաև պետական այլ ընկերությունների նախագահների հրաժարականները:
Ավելի վաղ ՌԴ նախագահ Դմիտրի Մեդվեդևը առաջարկել էր պատասխանատվություն սահմանել պետական ընկերությունների ղեկավարների համար գիտահետազոտական և այլ մասնագետների աշխատանքների մեջ թերանալու համար:
Դ.Մեդվեդևը ասել է, որ հանձնարարականները, որոնք տրվել են կես տարի առաջ, վատ են կատարվել պետական ընկերությունների կողմից: Նա փաստել է, որ դա ունի և՛ օբյեկտիվ, և՛ սուբյեկտիվ պատճառներ:
Ինչպես RBC-ին բացատրել են ՄԱԿ-ում, նախագահի նշանակման որոշումն ընդունվել է նաև տնօրենների խորհրդի կողմից: