Եգիպտոսի իշխանությունները անում են ամեն հնարավորը` վաղվա «Միլիոնի երթը» հնարավորինս խափանելու համար: Այս մասին հաղորդում է France Presse գործակալությունը, որը տեղեկացնում է, որ Եգիպտոսի կառավարությունը դադարեցրել է երկաթգծի աշխատանքը երկրում:
Սահմանափակումները հիմնականում վերաբերում են ուղևորափոխադրումներին:
EgyptAir ազգային ավիաընկերությունն էլ իր հերթին հայտարարել է, որ պարետային ժամին` 15:00-08:00-ին, դադարեցվում են բոլոր չվերթները, հետաձգվում են բոլոր ներքին և միջազգային չվերթները:
Այս սահմանափակումների մասին հայտարարվե լէ այն ժամանակ, երբ «Ապրիլի 6» շարժումը հայտարարեց, որ պատրաստվում է մոտ մեկ միլիոն մարդ հանել Կահիրեի փղոցներ, իսկ երթն էլ անվանվեց «Միլիոնի երթ»:
Հիշեցնենք, որ հունվարի 28-ին ամենամեծածավալ բողոքի ակցիաների օրը եգիպտական իշխանությունները խափանել են ինտերնետ կապը, որը շարունակում է մեծամասմբ անհասանելի մնալ Եգիպտոսի ողջ տարածքում: