Ըստ ՀՀ կառավարությանն առընթեր պետական եկամուտների կոմիտեի տրամադրած բեռնամաքսային հայտարարագրերի տվյալների` 2010 թ. հունվար-դեկտեմբերին մարդասիրական օգնության կարգով հանրապետություն է ներմուծվել 11568.9 տոննա ապրանք` 17351.6 մլն դրամ կամ 46.4 մլն դոլար ընդհանուր արժեքով:
Այս մասին ասվում է ԱՎԾ քիչ առաջ հրապարակած «ՀՀ սոցիալ տնտեսական վիճակը 2010 թ. հունվար-դեկտեմբերին» զեկույցում: Համեմատության համար նշենք, որ 2009թ. ընթացքում մարդասիրական օգնության բեռների արժեքը կազմել է 50.9 մլն դոլար:
Բեռների ծավալը նվազել է 8.9%-ով: 2010 թ. ստացված օգնության 31.9%-ը կազմել են քիմիայի և դրա հետ կապված արդյունաբերության ճյուղերի արտադրանքը, 15.0%-ը` մանածագործական իրերը, 15.7%-ը` սարքերը և ապարատները, 7.9%-ը` արդյունաբերական տարբեր ապրանքներ, իսկ 29.5%-ը`մնացած ապրանքները:
