Մեծ Բրիտանիայում վաճառքի է հանվել այն տունը, որը գրեթե 30 տարի պատկանել է Միլն ընտանիքին, և որտեղ ծնվել է Վինի–Թուխի հայտնի կերպարը:
Ապարանքը կառուցվել է 16-րդ դարում: Ալան Ալեքսանդր Միլնի ընտանիքն այդ տուն է տեղափոխվել 1925 թ.: Այստեղ իր մանկությունն է անցկացրել գրողի տղան` Քրիստոֆեր Ռոբին Միլնը, ով Վինի-Թուխի մասին հեքիաթների տղայի նախատիպն է։ Հենց արջուկն իր անվանումը ստացել է Քրիստոֆեր Ռոբինի խաղալիքներից մեկի անունից:
Տան այգում գտնվում է Քրիստոֆեր Ռոբինի արձանը, ինչպես նաև Վինի-Թուխին, Խոզուկին, Նապաստակին և Բուին պատկերող արևային ժամացույցը: Անշարժ գույքի արժեքը կազմում է 2 մլն ֆունտ սթեռլինգ:
Տունը 40 տարվա ընթացքում առաջին անգամ է վաճառքի հանվել: 1968 թ. այս կալվածքը գնել է The Rolling Stones-ի հիմնադիրներից Բրայան Ջոնսը, ով մեկ տարի անց հենց այստեղ մահացել է: