Ինչպես Al-Jazeera հեռուստաընկերության հետ հեռախոսազրույցում ասել է արդեն երկու օր տնային կալանքի տակ գտնվող Մուհամադ Ալ-Բարադեին, երկրում սկիզբ առած բախումները կդադարեն, եթե գործող նախագահը հրաժարական տա, ձևավորվի անցումային կառավարություն և իշխանությունը փոխանցելու ժամանակացույց:
Ալ-Բարադեին նաև ասել է, որ Եգիպտոսի նախագահի ուղերձը ժողովրդին զարմանալի էր եգիպտացիների համար:
Մայրաքաղաք Կահիրեում իրավիճակը կրկին ծայրահեղ սրվում է: Թեպետ Կահիրեում, Ալեքսանդրիայում և Սուեզում պարետային ժամը ավելացվել է ցերեկվա ժամը 4-ից մինչև առավոտյան ժամը 8-ը, սակայն դա ամենևին չի վախեցնում հավաքվածներին:
Այս պահին Կահիրեի «Ազատության» հրապարակի մատույցներում են հավաքվել ավելի քան 50,000 մարդ:
Որոշ լրատվամիջոցներ հայտարարում են, որ վերջին մեկ օրվա ընթացքում տեղի ունեցած բախումների հետևանքով զոհվել է մոտ 100 մարդ: Քիչ առաջ մենք տեղեկացրել էինք 50 զոհի մասին, ինչը հաստատվել է իշխանությունների կողմից:
Այսօր սահմանափակվում է նաև զբոսաշրջիկների տեղաշարժը երկրում: հայտնի է, որ նրանց թույլ չեն տալիս մտնել Գիզայի բուրգերի տարածք:
