Բարսելոնական La Caixa բանկը, որն ունի Իսպանիայի ամենամեծ մանրածախ ցանցը, որոշել է միանալ Criteria ընկերությանն ու այդպիսով դառնալ հանրային ընկերություն, գրում է The Financial Times-ը:
Ստեղծված ֆինանսական ընկերության կապիտալիզացիան կազմում է 20,6 մլրդ եվրո. այն իր ցուցանիշներով կդառնա Եվրոպայում տասներորդը: Պայմանագիրը վերջնական տեսքի կբերվի 2011 թ.-ի հուլիսին:
Ավելի վաղ Իսպանիայի ֆինանսների նախարար Ելենա Սալգադոն հայտնել էր, որ Իսպանիայի շրջանային խնայողական բանկերը (այսպես կոչված` «կախաս») պետք է մասնավոր ներդրողների հետ իրականացնեն վերակապիտալիզացիայի գործընթաց:
Հակառակ դեպքում դրանք կազգայնացվեն:
La Caixa-ն հասարակական ընկերություն դարձնելը օրինակ կլինի մյուսների` ավելի փոքր և թույլ «կախասների» համար:
Իսպանական բանկային համակարգը մեծ վնասներ է կրել համաշխարհային ֆինանսական ճգնաժամից, որը բերեց անշարժ գույքի շուկայի փլուզման:
Արդյունքում Իսպանիան հայտնվեց տնտեսական ծանր իրադրության մեջ, իսկ ներդրողները ակնկալում են, որ մոտալուտ ապագայում Իսպանիայում կարող է դեֆոլտ տեղի ունենալ:
