Կապանի Բեխ թաղամասի հարակից անտառում հունվարի 27-ի` ժամը 18:00-ի սահմաններում, բռնկված հրդեհի մասին մարզի փրկարարական ծառայությունում ահազանգ չէր ստացվել: Կրակը ուղեկցվել է ուժեղ ծխով և որոշ ժամանակ հետո սկսել է մարել: «Հայանտառ» ՊՈԱԿ-ի Կապանի մասնաճյուղի տնօրեն Վլադիկ Միրզոյանի խոսքով, չոր թփուտներ էին վառվում: «Մեծ հրդեհ չէր, անտառապահը տեղում էր, ու նրան հաջողվեց անջատել կրակը: Չի բացառվում, որ մարդկային գործոնը լինի հրդեհի պատճառ: Վնասի չափն ու հրդեհի պատճառը պարզ կլինի երկուշաբթի»,-ասել է տնօրենը: