Շատ շուտով մարդկությունը սնվելու համար կարիք կունենա ընդամենը գնել այս կամ այն ուտելիքի հումքը պարունակող փաթեթներ: Ամերիկյան Epress պարբերականը տեղեկացնում է, որ գիտնականներն արդեն ստեղծել են սնվելու նոր ու յուրատեսակ միջոց, որի շնորհիվ մադկությունը արդեն ոչ թե կուտի, այլ կշնչի սնունդը: Le Whaf կոչվող նոր, փոքր ակվարիումի տեսք ունեցող գավաթը ընդունակ է իր ներսում մշակել սննդարար ծուխ, որն էլ կարելի է լցնել բաժակի մեջ և ընդունել հատուկ խողովակների միջոցով: Սարքի հեղինակ գիտնականների համոզմամբ` սարքը մեծ հաջողություն կվայելի, քանի որ համային զգացողությունները պակաս վառ չեն, քան սովորական ձևով սնվելիս, բայց, ի տարբերություն սովորական սննդի, այս դեպքում կալորիականությունը նվազագույն մակարդակի վրա է: Սննդարար ծուխը առաջիկայում վաճառքի կհանվի Ֆրանսիայում և կարժենա մոտ 135 դոլար, սակայն փորձագետները վստահ են, որ «վաֆինգը» (whafing) շուտով մեծ տարածում կգտնի աշխարհում և կդառնա պահանջված միջոց նախաճաշելու, ճաշելու և ընթրելու համար: Մարդկությանն անհրաժեշտ կլինի միայն գնել սարքը և հատուկ փաթեթներ, որոնք կպարունակեն այս կամ այն ուտելիքի հումքը: Նշենք, որ գոլորշու հնարավոր է վերածել ոչ միայն սնունդը, այլ նաև խմիչքները: