Նախկինում հայտնի իտալացի պաշտպան Քրիստիան Պանուչին մեկնաբանել է ավարտին մոտեցող Ա Սերիայի արդյունքները:
«Յուվենթուս»-ը հիանալի մրցաշրջան է անցկացրել, նրանց կարելի է միայն շնորհավորել: Թուրինյան ակումբն ապացուցեց, որ հաղթում է այն թիմը, որը պաշտպանության հզոր գոտի ունի: Մրցաշրջանի ընթացքում «Յուվենթուս»-ը ոչ մի պարտություն չի կրել: Դա, իհարկե, Անտոնիո Կոնտեի վաստակն է: Մարզիչն ուղղորդեց թիմը դեպի հաղթանակ: Այս մասնագետն անգամ խաղի ընթացքում է կարողանում վերահսկել ֆուտբոլիստների գործողությունները: Կարծում եմ՝ ապագայում Կոնտեն մեծագույն մարզիչ կդառնա: Նա ավելի հանճարեղ է, քան Լիպին»,- Պանուչիին մեջբերում են իտալական լրատվամիջոցները: